ახალი ქირალური ციკლური სულფოქსიდების ენანტიომერების დაყოფა ამილოზას საფუძველზე მომზადებული ქირალური სვეტების გამოყენებით სითხურ ქრომატოგრაფიაში

ავტორი: მარიამ შველიძე
თანაავტორები: იზა მათარაშვილი, რუსუდან კაკავა, ალესანდრო ვოლონტერიო
ანოტაცია:

ჩვენი კვლევის მიზანია ახალი ქირალური ცილკური სულფოქსიდების ენანტიომერების დაყოფა მაღალეფექტურ სითხურ ქრომატოგრაფიაში ამილოზას საფუძელზე მომზადებულ ქირალური სვეტების გამოყენებით. მოძრავ ფაზად აღებული გვქონდა სუფთა აცეტონიტრილი და მასში ვაკვრდებოდით ნივთიერებების ელუირებას და ენანტიომერების დაყოფას, ისევე როგორც ენანტიომერების ელუირების რიგს. ვსწავლობდით, რა გავლენას ახდენდა ჩანაცვლებლის პოზიცია და ბუნება (ელექტრონების დონორი ან აქცეპტორი) ფენილის ჯგუფში ენანტიომერების დაყოფაზე. ჩვენს მიერ შესწავლილი ნივთიერებების უმრავლესობის ენანტიომერები იყოფა ჩვენს მიერ შესწავლილ ერთ ქირალურ სვეტზე მაინც. ამ მხრივ გარკვეულ გამონაკლისს წარმოადგენდა 2-ქლორ-10-(3-მორფოლინპროპილ)-10H-ფენოთიაზინ 5-ოქსიდი, რომლის ენანტიომერების ფუძისეული დაყოფაც არ მოხერხდა Lux Amylose 1 სვეტზე და ასევე 10-(3-მორფოლინპროპილ)-10H-ფენოთიანიზინ 5-ოქსიდი, რომელიც სრულად არ დაიყო i-Amylose 1 და 1-Amylose 3 სვეტებზე. ამ კვლევაში გამოყენებული ახალი ქირალური ჰიდანტოინების მიმართ ჩვენ მიერ შესწავლილი ამილოზას ნაწარმებიდან ყველაზე კარგი ქირალური გამოცნობის უნარით ხასიათდება LUX Amylose-2, ხოლო ყველაზე ცუდი Lux i-Amylose 3. ამ ეტაპზე ვსწავლობთ აცეტონიტრილზე წყლის დანამატის გავლენას ენანტიომერების დაყოფაზე. აქამდე შესწავლილ დიაპაზონში (მოცულობითი პროცენტი 90/10; 80/20; 70/30;60/40) წყლის დანამატმა გაზარდა ენანტიომერების შეკავება და მათი დაყოფა არ გააუმჯობესა.

მიმაგრებული ფაილები:

ახალი ქირალური ციკლური სულფოქსიდების ენანტიომერების დაყოფა ამილოზას საფუძველზე მომზადებული ქირალური სვეტების გამოყენებით სითხურ ქრომატოგრაფიაში. [ka]