„წყალბადის მოლეკულური იონი და დისოციაციური აღგზნების პროცესები H3+, H2+ იონების ატომურ ნაწილაკებთან დაჯახებისას“

მოცემულ სამუშაოში ძირითადი ყურადღება ეთმობა H3+ და H2+ მოლეკულურ იონებს. კერძოდ, განიხილება დისოციაციური აღგზნების პროცესები H3+, H2+ დაჯახებისას ატომებთან და მოლეკულებთან. შესავალ ნაწილში დაწვრილებითაა განხილული წყალბადის მოლეკულური იონების წარმოშობის მექანიზმები და მათი მონაწილეობა ვარსკვლავთშორის გარემოში რთული მოლეკულური ნაერთების წარმოქმნისას. ცალკე არის განხილული H3+ იონის წარმოქმნის მექანიზმი მაღალ-სიხშირული განმუხტვის იონურ წყაროში. ნაშრომის ბოლოს, დასკვნის სახით მოყვანილია ექსპერიმენტული კვლევის შედეგები H3+_He, H3+_O2, H3+_Ar წყვილებისათვის.