ახალი ეკოლოგიურად სუფთა კომპოზიტები ფოთოლის, სტიროლის და ვინილტრიეთოქსისილანის ბაზაზე

ავტორი: სოფო ცქიტიშვილი
საკვანძო სიტყვები: კომპოზიტი, სტიროლი, ვინილტრიეთოქსისილანი, წყალშთანთქმა, მექანიკა
ანოტაცია:

ნაშრომი ეხება, განახლებადი მცენარეული ნედლეულის ჩამოცვენილი ფოთოლის ბაზაზე ახალი ეკოლოგიურად უსაფრთხო კომპოზიციების მიღებას, სადაც შემკვრელად და მაარმირებელ აგენტად პირველად არის გამოყენებული სტიროლი და ვინილტრიეთოქსისილანი (in-situ პოლიმერიზაციით). მიღებული არის ეკოლოგიურად სუფთა, ჯანმრთელობისათვის უსაფრთხო ახალი კომპოზიციური მასალები. აღნიშნული მასალები შეესაბამება საერთაშორისო მოთხოვნებს და ბევრად აღემატება თავის ანალოგებს ფიზიკურ-მექანიკური თვისებებით, მიღების პროცესის სიმარტივით, მიკროორგანიზმებისადმი მდგრადობით. შესწავლილია სტიროლის და ვინილტრიეთოქსისილანის თანაპოლიმერიზაციის რეაქცია. დადგენილია კომპოზიტების მიღების ოპტიმალური პირობები. მიღებული კომპოზიციური მასალების შესასწავლად გამოყენებულია კვლევის ფიზიკურ-ქიმიური და მექანიკური მეთოდები: ფურიე გარდაქმნის ინფრაწითელი სპექტოსკოპია, 1H, 13C ბირთვული მაგნიტური რეზონანსული სპექტროსკოპია, თერმოგრავიმეტრული ანალიზი, ოპტიკური მიკროსკოპია, თერმომედეგობა ვიკატის მიხედვით, სიმტკიცე ზღვარი ღუნვაზე (ბრინელის მიხედვით), მასკანირებელი ელექტრონული მიკროსკოპია (SEM) ,წყალშთანთქმა და დარტყმითი ძალა.